អាវុធហត្ថរាជធានីភ្នំពេញបានត្រៀមខ្លួន ត្រៀមសម្ភារៈ និងមធ្យាបាយដឹកជញ្ជូន បន្ថែម រងចាំចុះអន្តរាគមន៍សង្គ្រោះប្រជាពលរដ្ឋដែលអាចរងគ្រោះដោយទឹកជំនន់ជាយថាហេតុ

អាវុធហត្ថរាជធានីភ្នំពេញបានចូលរួមជាមួយអាជ្ញាធរមូលដ្ឋាន ក្នុងការតាមដានសភាពការណ៍និងទប់ទំនប់នៅតាម តំបន់មួយចំនួនដែលងាយទទួលរងផលប៉ះពាល់ដោយទឹកជំនន់អស់ពេលពេញមួយថ្ងៃ មកទល់យប់នេះ អាវុធហត្ថគ្រប់បណ្តាខណ្ឌទូទាំងរាជធានីភ្នំពេញ ក៏បានត្រៀមខ្លួន ត្រៀមសម្ភារៈ និងមធ្យាបាយដឹកជញ្ជូន បន្ថែម រងចាំចុះអន្តរាគមន៍សង្គ្រោះប្រជាពលរដ្ឋ និងបានទៅកាន់គោលដៅមួយចំនួន ដែលអាចរងគ្រោះដោយទឹកជំនន់ជាយថាហេតុផងដែរ ៕