កាលពីល្ងាចថ្ងៃទី២៨ ខែមិថុនា ឆ្នាំ២០១៧ អាវុធហត្ថរាជធានីភ្នំពេញ បានធ្វើការបង្ក្រាប និងឃាត់ខ្លួនជនសង្ស័យ ០៣នាក់ ពាក់ព័ន្ធ ករណីគ្រឿងញៀន និងដកហូតបានថ្នាំញៀនបានចំនួន ២៥កញ្ចប់(ប្រភេទម៉ាទឹកកក)។ ជនសង្ស័យទាំង ០៣នាក់នោះមាន៖
១.ឈ្មោះ ឈិត ថារី ភេទប្រុស អាយុ ៣២ឆ្នាំ ត្រូវបានអាវុធហត្ថខណ្ឌទួលគោក ធ្វើការបង្ក្រាប និងឃាត់ខ្លួន នៅ វេលាម៉ោង១៩និង៥០នាទី ត្រង់ចំណុចតាមបណ្ដោយផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ រួមជាមួយថ្នាំញៀនចំនួន ២៣កញ្ចប់។
២.ឈ្មោះ ឡុង ចន្ថា ភេទប្រុស អាយុ ១៧ឆ្នាំ , ៣.ឈ្មោះ យឿន វុតា្ថ ភេទប្រុស អាយុ ១៩ឆ្នាំ ត្រូវបានកម្លាំងល្បាតអាវុធហត្ថខណ្ឌព្រែកព្នៅ ធ្វើការបង្ក្រាប និងឃាត់ខ្លួនកាលពីវេលាម៉ោង០០និង០៦នាទី យប់ថ្ងៃទី២៨ឈានចូល២៩ នៅចំនុចរង្វង់មូលផ្លាស្សា ផ្លូវទំនប់កប់ស្រូវ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ដកហូតបានថ្នាំញៀនបានចំនួន ០២កញ្ចប់។ ។ បច្ចុប្បន្ន ជនសង្ស័យទាំង ០៣នាក់នោះ កំពុងត្រូវបានកម្លាំងជំនាញនៃការិយាល័យបង្រ្កាបបទល្មើសគ្រឿងញៀនអាវុធហត្ថរាជធានីភ្នំពេញស្រាវជ្រាវរកមេក្លោងបន្ត និងកសាងសុំណុំរឿងបញ្ចូនទៅតុលាការដើម្បីផ្តន្ទាទោសតាមច្បាប់។
