អាវុធហត្ថរាជធានីភ្នំពេញឃាត់ខ្លួនជនសង្ស័យ០៣នាក់ ពីបទប្រើប្រាស់គ្រឿងញៀន

រាជធានីភ្នំពេញ ៖ កាលពីវេលាម៉ោង ២០ និង​ ៣០នាទីយប់ថ្ងៃទី០៥ ខែវិច្ឆិកា ឆ្នាំ២០១៨ កម្លាំងកងរាជអាវុធហត្ថខណ្ឌទួលគោក បានចុះល្បាតឃាត់ខ្លួនជនសង្ស័យ០៣នាក់ ពីបទប្រើប្រាស់គ្រឿងញៀន នៅចំណុចម្តុំផ្សារនាគមាស ផ្លូវ២៣៤ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
ជនសង្ស័យទាំង០៣នាក់រួមមាន
១. ឈ្មោះ មុត ធារី ភេទ្រប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះជួល
សង្កាត់ដង្កោ ខណ្ឌដង្កោ
២ ឈ្មោះ សុខ តុលី ភេទប្រុស អាយុ២០ឆ្នាំ មុខរបរកម្មករលើកផ្លែឈើ 
ស្នាក់នៅមិនពិតប្រាកដ
៣ ឈ្មោះ សុខ ហេង ភេទប្រុស អាយុ២៤ឆ្នាំ មុខរបរមិនពិតប្រាកដ
ស្នាក់នៅមិនពិតប្រាកដ
បច្ចុប្បន្ន ជនសង្ស័យ០៣នាក់ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕