នៅថ្ងៃទី១៦ ខែតុលា ឆ្នាំ២០១៧ កម្លាំងល្បាតអាវុធហត្ថខណ្ឌពោធិ៍សែនជ័យ និងខណ្ឌព្រែកព្នៅ បានបង្ក្រាប និងឃាត់ខ្លួនជនសង្ស័យប្រុសស្រី ០៣នាក់ ពាក់ព័ន្ធករណីគ្រឿងញៀន។ ជនសង្ស័យដែលឃាត់ខ្លួន មាន៖
១/ ឈ្មោះ ជឹម ស្រីលាប ភេទស្រី អាយុ ២៤ឆ្នាំ ត្រូវបានកម្លាំងល្បាតអាវុធហត្ថខណ្ឌពោធិ៍សែនជ័យ ឃាត់ខ្លួនបាន កាលពីវេលាម៉ោង២២:៣០នាទី នៅចំណុចផ្លូវរលំ ភូមិត្រពាំងកសាំង សង្កាត់ត្រពាំងក្រសាំង ខណ្ឌពោធិ៍សែនជ័យ
២/ ឈ្មោះ ជឿង យ៉ាំងតេវ ហៅ តេវ ភេទប្រុស អាយុ ៣០ឆ្នាំ
៣/ ឈ្មោះ សំ សុជាតិ ហៅ អ័រ ភេទប្រុស អាយុ ៣៣ឆ្នាំ
ត្រូវបានកម្លាំងល្បាតអាវុធហត្ថខណ្ឌព្រែកព្នៅ ឃាត់ខ្លួនបាន កាលពីវេលាម៉ោង១៦:៣០នាទី នៅចំណុចបណ្តោយផ្លូវជាតិលេខ០៥ មុខវត្តព្រែកព្នៅ ភូមិកណ្តាល សង្កាត់ព្រែកព្នៅ ខណ្ឌព្រែកព្នៅ។
បច្ចុប្បន្ន ជនសង្ស័យប្រុសស្រីទាំង ០៣នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងសួរចម្លើយ និងកសាងសុំណុំរឿង បញ្ជូនទៅតុលាការ ដើម្បីចាត់ការតាមច្បាប់។
