អាវុធហត្ថរាជធានីភ្នំពេញ បំបែកសំបុកគ្រឿងញៀន រួម និងឃាត់ខ្លួនមនុស្សប្រុសស្រីចំនួន ០៨នាក់!

ក្រោយពេលឃាត់ខ្លួនជនសង្ស័យ ខាងលើ យកមកបញ្ជាការដ្ឋានអាវុធហត្ថរាជធានីភ្នំពេញ រួចមក កម្លាំងល្បាតមូលដ្ឋានអាវុធហត្ថខណ្ឌមានជ័យ សហការជាមួយសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានសហការស្រាវជ្រាវ រហូតឈានដល់ការឃាត់ខ្លួនជនសង្ស័យ ០៦នាក់ទៀតមាន៖
១/ ឈ្មោះ សួន សុភាព ហៅស្រីពេជ្រ ភេទស្រី អាយុ ៣៧ឆ្នាំ
២/ ឈ្មោះ អ៊ុន រី ភេទប្រុស អាយុ ៣៨ ឆ្នាំ
៣/ ឈ្មោះ ប្រាជ្ញ សុខេន ភេទប្រុស អាយុ ២៥ឆ្នាំ
៤/ ឈ្មោះ ជា សុជាតិ ហៅពៅ ភេទប្រុសអាយុ ២២ឆ្នាំ
៥/ ឈ្មោះ ឈឺ មករា ភេទប្រុស អាយុ ២២ឆ្នាំ
៦/ ឈ្មោះ គក ប្រាថ្នា ភេទប្រុស អាយុ ២២ឆ្នាំ
ត្រូវសមត្ថកិច្ចអាវុធហត្ថឃាត់ខ្លួនបាន កាលពីវេលាម៉ោង១៧:៣០នាទី នៅចំណុចក្រុមទី៤ ផ្ទះគ្មានលេខ ភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ

បន្ទាប់ពីឃាត់ខ្លួនបានជនសង្ស័យទាំង ០៦នាក់នេះ យកមកសួរនាំរួច លុះដល់វេលាម៉ោង១៨:០០ នាទី នៅចំណុច និងថ្ងៃដដែល កម្លាំងអាវុធហត្ថខណ្ឌមានជ័យ សហការណ៍ ជាមួយសមត្ថកិច្ចជំនាញ នៃកងរាជអាវុធហត្ថរាជធានីភ្នំពេញ បានបន្តឃាត់ខ្លួនបានជនសង្ស័យ ០១នាក់ទៀត ដែលជាបក្ខពួកតែមួយ ឈ្មោះ រស់ វណ្ណា ហៅយាយតង ភេទស្រី អាយុ ៥៧ឆ្នាំ។

បច្ចុប្បន្ន ជនសង្ស័យប្រុសស្រីទាំង ០៨នាក់ខាងលើ ត្រូវបាសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំនណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។