នៅវេលាម៉ោង២៣:៣០នាទី ថ្ងៃទី២៧ ខែកញ្ញា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌមានជ័យ បានបង្ក្រាប និងឃាត់ខ្លួនជនសង្ស័យ ០១នាក់ ឈ្មោះ អ៊ុំ លេះ ភេទប្រុស អាយុ ១៨ឆ្នាំ ពាក់ព័ន្ធករណីគ្រឿងញៀន រួម និងដកហូតក្រាមពណ៍សថ្លា ១០កញ្ចប់(ប្រភេទម៉ាទឹកកក)។ ជនសង្ស័យ ខាងលើ ត្រូវបានសមត្ថកិច្ចអាវុធហត្ថ ឃាត់ខ្លួនបាននៅចំណុច ផ្លូវបេតុង ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
បច្ចុប្បន្ន ជនសង្ស័យ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់។ 
