ខណៈពេលដែលសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងជាប់ដៃស៊ើបអង្កេតនិងកសាងសំណុំរឿង ពាក់ព័ន្ធគ្រឿងញៀន១គីឡូ៣ខាំជាងដើម្បីបញ្ជូនទៅតុលាការនោះ នៅវេលាម៉ោង១៤:០៥នាទី ថ្ងៃទី១២ ខែកក្កដា ឆ្នាំ២០១៧ កម្លាំងមូលដ្ឋានអាវុធហត្ថខណ្ឌពោធិ៍សែនជ័យ សហការជាមួយកម្លាំងជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យ ០៣នាក់ផ្សេងទៀត ពាក់ព័ន្ធករណីគ្រឿងញៀន និងដកហូតបានក្រាមពណ៍សថ្លា ០២កញ្ចប់(ធំ១តូច១)(ប្រភេទម៉ាទឹកកក) នៅចំណុចបន្ទប់ជួលគ្មានលេខ ផ្លូវ២០០៤ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ ជនសង្ស័យទាំង ០៣នាក់នោះមាន៖
១/ ឈ្មោះ ពេជ្រ ពណ្ណារាយ ហៅទីន ភេទប្រុស អាយុ២៦ឆ្នាំ
២/ ឈ្មោះ ចិត្រ ឡុង ហៅឡេង ភេទប្រុស អាយុ២៣ឆ្នាំ
៣/ ឈ្មោះ វង្ស ចាន់ឌី ហៅឌី ភេទប្រុស អាយុ២០ឆ្នាំ
បច្ចុបន្ប ជនសង្ស័យទាំង ០៣នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយស្វែងរកមេក្លោង និងកសាងសុំណុំរឿងបញ្ជូនទៅតុលារ ដើម្បីចាត់ការតាមនិតិវិធីច្បាប់។
