នៅថ្ងៃទី១១ ខែកក្កដា ឆ្នាំ២០១៧ អាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យប្រុសស្រី ០៤នាក់ ពាក់ព័ន្ធករណីគ្រឿង រួម និងដកហូតបានថ្នាំញៀនប្រភេទក្រាមពណ៍សថ្លា(ម៉ាទឹកកក)ចំនួន ៣៧កញ្ចប់ និងមេតំហ្វេតាមីន(យ៉ាម៉ា)ចំនួន ១៧គ្រាប់ ១០ចំហៀង , ជនសង្ស័យប្រុសស្រីទាំង ០៤នាក់នេះ ត្រូវបានកម្លាំងល្បាតអាវុធហត្ថរាជធានីភ្នំពេញឃាត់ខ្លួនបានជាបន្តបន្ទាប់គ្នាក្នុងថ្ងៃតែមួយ ក្នុងនោះមាន៖
១/ ឈ្មោះ នៅ មុំ ភេទស្រី អាយុ ៤៩ឆ្នាំ , ២/ ឈ្មោះ ប៉ិន ប៉ោង ភេទប្រុស អាយុ ៥១ឆ្នាំ ត្រូវបានអាវុធហត្ថខណ្ឌទួលគោក ធ្វើការបង្ក្រាប និងឃាត់ខ្លួនបាន កាលពីវេលាម៉ោង១០:៣០នាទីព្រឹក នៅចំណុចផ្លូវរថភ្លើង ភូមិ១៦ សង្កត់ទឹកល្អក់១ ខណ្ឌទួលគោក រាជធានីភ្នំពេញ រួម និងដកហូតបានក្រាមសថ្លា១៩កញ្ចប់ (ធំល្មម០២ និងកញ្ចប់ធំ១) និងប្រភេទយ៉ាម៉ាគ្រាប់ ១៧គ្រាប់ និង១០ចំហៀង
៣/ ឈ្មើ លាង ហេងតាយ ភេទប្រុស អាយុ ៣១ឆ្នាំ , ៤/ ឈ្មោះ លី លីន ភេទស្រី អាយុ ២០ឆ្នាំ ត្រូវបានអាវុធហត្ថខណ្ឌច្បារអំពៅ ធ្វើការបង្ក្រាប និងឃាត់ខ្លួនបាន កាលពីវេលាម៉ោង១១:៤០នាទី ចំនុច ផ្លូវហាយធិក ផ្ទះលេខ៣៤B បន្ទប់ជួលលេខ៣ ភូមិជ្រោយបាសាក់១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ រួម និងដកហូតបានក្រាមពណ៍សរថ្លាចំនួន១៨ញ្ចប់(ធំ១១,ធំល្មម០៤)។
បច្ចុប្បន្ន ជនសង្ស័យប្រុសស្រីទាំង ០៤នាក់ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមនិតិវីធីច្បាប់។
