បុរសម្នាក់ដែលជាខ្មាន់កាំភ្លើង បាញ់ជិត១០គ្រាប់ នៅខណ្ឌដូនពេញកាលពីវេលាម៉ោង១០និង៣០នាទីយប់ថ្ងៃទី០៧ ខែកក្កដា ឆ្នាំ២០១៧ ធ្វើឲ្យភ្ញាក់ផ្អើលកណ្តាលទីក្រុងភ្នំពេញទាំងយប់ នៅវេលាម៉ោង០៩និង៣០នាទី ថ្ងៃទី១៣ ខែកក្កដា ឆ្នាំ២០១៧ មុននេះបន្តិចបានចូលមកសារភាពកំហុស នៅកងរាជអាវុធហត្ថរាជធានីភ្នំពេញហើយ ។ ខ្មាន់កាំភ្លើងរូបនេះមានឈ្មោះ ទូច បូភាព អាយុ៣៥ឆ្នាំ។ ពេលនេះសមត្ថកិច្ចកងរាជអាវុធហត្ថរាជធានីភ្នំពេញ កំពុងសាកសួរនិងរៀបចំសំណុំរឿងបញ្ជូនទៅតុលាការ ។
