មិនអស់ចិត្តម្ចាស់ហាងផឹកស៊ី មើលងាយ គិតលុយចេញហើយ បកមកបាញ់ផ្លាកហាង០៤គ្រាប់ដើម្បីបន្ថយកំហឹង!

នៅវេលាម៉ោង ០៣ និង ៣៨ នាទីទៀបភ្លឺថ្ងៃទី១ ឈានចូលថ្ងៃទី០២ ខែកញ្ញា ឆ្នាំ២០២០ មានជនមិនស្គាល់អត្តសញ្ញាណចំនួន ០២នាក់ បានជិះម៉ូតូ ០១ គ្រឿងមិនស្គាល់ម៉ាក ធ្វើសកម្មភាពបាញ់ចំនួន០៤គ្រាប់ នៅចំនុចហាង ស៊ីកណេតឈ័រ ផ្ទះលេខ៩ ផ្លូវ៥២៨កែង២៨៧ សង្កាត់បឹងកក់១ ខណ្ឌទួលគោក រាជធានីភ្នំពេញ រួចគេចខ្លួនបាត់។ក្រោយពេលកេីតហេតុភ្លាមៗកម្លាំងជំនាញការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថ រាជធានីភ្នំពេញ និងកម្លាំងជំនាញនៃមូលដ្ឋានកងរាជអាវុធហត្ថខណ្ឌទួលគោក បានសហការស្រាវជ្រាវកំណត់មុខសញ្ញាជនដៃដល់ រហូតមកដល់ថ្ងៃទី៣ ខែកញ្ញា ឆ្នាំ២០២០ បានធ្វេីការចាប់ខ្លួនជនសង្ស័យលេីករណីផ្ទុះអាវុធខាងលេីចំនួន០២នាក់: ១.ឈ្មោះតាំង ស្រេងហុក ភេទប្រុស អាយុ២៤ឆ្នាំ មុខរបរមិនពិតប្រាកដ សព្វថ្ងៃស្នាក់នៅភូមិដេីមម៉ាកក្លឿរ សង្កាត់ច្បារអំពៅ១ ខណ្ឌច្បារអំពៅ (អ្នកបាញ់ និងជាម្ចាស់អាវុធ )២.ឈួន សុីថាណារ័ត្ន ភេទប្រុសអាយុ២៣ឆ្នាំ មុខរបរអ្នកនាំភ្ញៀវចូលតុ នៅហាងACELOUNជិតកោះពេជ្រ មានទីលំនៅភូមិដំណាក់២ ខណ្ឌមានជ័យ រាជធានីភ្នំពេញ (អ្នកបេីកម៉ូតូ) និងចាប់យកវត្ថុតាងរួមមាន ម៉ូតូ០១គ្រឿងម៉ាកCPX ស្លាកលេខ ភ្នំពេញ1FP-3838 ជាមធ្យោបាយជិះធ្វើសកម្មភាព។តាមរបាយការណ៍ស្ដាប់ចម្លេីយរបស់អាវុធហត្ថភ្នំពេញ ជនសង្ស័យឈ្មោះ តាំង ស្រេងហុក បានសារភាពថា ដេីមចមដែលនាំឲ្យមានការផ្ទុះអាវុធនេះឡើង គឺដោយសារខ្លួនខឹងនឹង ម្ចាស់ហាងសុីកណេឈ័រ ដែលបានដេញក្រុមខ្លួន ចេញពីហាង រឿងដកកាំភ្លើងដាក់លើតុផឹកស៊ី។ ក្រោយពេលពួកគេគិតលុយបែកគ្នាអស់ហើយ តែដោយមិនអស់ចិត្ត ជនសង្ស័យ តាំង ស្រេងហុក ក៏បបួលមិត្តភក្ដិឈ្មោះ ឈួន សុីថាណារ័ត្ន មកហាងសុីណេតឈ័រវិញ ដោយឲ្យ ណារ័ត្ន ជាអ្នកបេីកម៉ូតូ មកដល់មុខហាង ឈ្មោះ តាំង ស្រេងហុក ក៏ដកអាវុធបាញ់ចំនួន៤គ្រាប់ ទៅលេីផ្លាកហាង ដេីម្បីបន្ថយកំហឹង ដែលម្ចាស់មេីលងាយនិងដេញក្រុមខ្លួនចេញពីហាង។ ជនសង្ស័យ ឈ្មោះតាំង ស្រេងហុក បានបញ្ជាក់បន្ថែមថា អាវុធរបស់ខ្លួនគឺម៉ាកកា៥៩ តែប្រេីគ្រាប់ឆ្នៃឡុក មានតែ០៥គ្រាប់ប៉ុណ្ណោះ ,អាវុធនេះខ្លួនបានទិញនៅប៉ោយប៉ែត រយ:ពេលជាង១ឆ្នាំហេីយ។ ក្រោយធ្វេីសកម្មភាពបាញ់រួច ដោយមានការភិតភ័យខ្លួនក៏បានយកអាវុធនោះ ទៅទម្លាក់ចូលក្នុងទន្លេនៅគល់ស្ពានច្បារអំពៅខាងកេីតបាត់ទៅហេីយ ។បច្ចុប្បន្នជនសង្ស័យទាំង០២ កំពុងត្រូវបានអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការ ដេីម្បីចាត់ការតាមច្បាប់៕