ភ្នំពេញ ៖ កាលពីវេលាម៉ោង២០:៣០នាទី ថ្ងៃទី១៧ ខែមករា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌទួលគោក បានបង្ក្រាប និងឃាត់ខ្លួន ក្រុមក្មេងទំនើង ០៤នាក់ ដែលកំពុងសម្ងំជក់គ្រឿងញៀន នៅចំណុចក្នុងសាលារៀនទឹកល្អក់ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
ពួកគេទាំង ០៤នាក់ នេះមាន៖
១/ ឈ្មោះ ជា ចិន្ដា ភេទប្រុស អាយុ ២២ឆ្នាំ , ២/ ឈ្មោះ រស់ ឈុនលេង ភេទប្រុស អាយុ ១៨ឆ្នាំ , ៣/ ឈ្មោះ លឹម សុគា ភេទប្រុស អាយុ ២៤ឆ្នាំ , ៤/ ឈ្មោះ ចាង យាណូ ភេទប្រុស អាយុ ២២ឆ្នាំ
ក្រោយពេលឃាត់ខ្លួនពួកគេទាំង ០៤នាក់ យកមកសួរនាំរួចមក ពួកគេបានសារភាពថា ស្គាល់ទីតាំងជនដែលលក់គ្រឿងញៀនឲ្យពួកគេ ទើបក្នុងថ្ងៃដដែល កម្លាំងមូលដ្ឋានអាវុធហត្ថខណ្ឌទួលគោក បានសហការជាមួយសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បន្តស្រាវជ្រាវរហូតឈានដល់ការឃាត់ខ្លួនបាន ០២នាក់ បន្ថែមទៀត ដែលជាអ្នកចែកចាយគ្រឿងញៀន ក្នុងនោះមាន៖
១/ ឈ្មោះ សេង ពៅ ហៅ អាគក ភេទប្រុស អាយុ ៣៤ឆ្នាំ , ២/ ឈ្មោះ សេង ចិត្រា ភេទប្រុស អាយុ ១៤ឆ្នាំ
បច្ចុប្បន្ន ជនសង្ស័យទាំង ០៦នាក់ ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
