នៅវេលាម៉ោង១៦:៤០នាទី ថ្ងៃទី២៤ ខែកក្កដា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌដូនពេញ បានបង្រ្កាប និងឃាត់ខ្លួន ជនសង្ស័យ ០៣នាក់ ពាក់ព័ន្ធករណីគ្រឿងញៀន ខណៈដែលពួកគេទាំង ០៣នាក់ កំពុងតែជុំគ្នាជក់គ្រឿងញៀន នៅចំណុចដីឡូត៏ ស្តិតក្នុងភូមិ២០ សង្កាត់ស្រះចក ខណ្ឌដូនពេញ រាជធានីភ្នំពេញ។ ជនសង្ស័យទាំង ០៣នាក់នោះមាន៖
១/ ឈ្មោះ ម៉ុស ប៉ុណ្ណា ហៅ ម៉ៅ ភេទប្រុស អាយុ ១៧ឆ្នាំ
២/ ឈ្មោះ កែវ ផល្លា ភេទប្រុស អាយុ ១៧ឆ្នាំ
ចំណែកឯឈ្មោះ ផាត សៅភន ភេទប្រុស អាយុ ២១ឆ្នាំ ត្រូវបានសមត្ថកិច្ចអាវុធហត្ថរាជធានីភ្នំពេញ បញ្ជូនទៅមណ្ឌលកែប្រែ និងផ្ដាច់គ្រឿងញៀន តាមការស្នើរសុំរបស់ឪពុកម្ដាយ។
តាមចម្លើយសារភាពជនសង្ស័យខាងលើ បានប្រាប់សមត្ថកិច្ចឲ្យដឹងថាពួកគេធ្លាប់ប្រើប្រាស់គ្រឿងញៀន រយៈពេល ០៣ខែមកហើយ ដោយពួកគេទាំង ០៣នាក់ បានចូលលុយគ្នាដើម្បីទិញគ្រឿងញៀនយកមកជក់ ក្នុង០១កញ្ចប់តំម្លៃ២០០០០រៀល ដែលពួកគេតែងតែទៅទិញនៅខាងក្រោយទូតបារាំង។
បច្ចុប្បន្ន ជនសង្ស័យទាំង ០២នាក់ខាងលើត្រូវបានសមត្ថកិច្ចជំនាញនៃការិយាល័យបង្រ្កាបបទល្មើសគ្រឿងញៀន អាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការដើម្បីចាត់ការតាមច្បាប់។
