នៅថ្ងៃទី២៩ ខែកញ្ញា ឆ្នាំ២០១៧ វេលាម៉ោង២២:១០នាទី នៅចំណុចផ្លូវ១៦០ កែង២១៩ សង្កាត់ដេប៉ូទី១ ខណ្ឌទួលគោក កម្លាំងល្បាតមូលដ្ឋានអាវុធហត្ថខណ្ឌទួលគោក បានបង្ក្រាប និងឃាត់ខ្លួនជនសង្ស័យ ០៣នាក់ ពាក់ព័ន្ធករណីគ្រឿងញៀន។
ជនសង្ស័យទាំង ០៣នាក់នោះ មាន៖
១/ ឈ្មោះ សុខ ទីនីន ភេទប្រុស អាយុ ២២ឆ្នាំ
២/ ឈ្មោះ អាន ចំរើន ភេទប្រុស អាយុ ២៤ឆ្នាំ
៣/ ឈ្មោះ សរ វណ្ណៈ ភេទប្រុស អាយុ ៣២ឆ្នាំ
ក្រោយពេលឃាត់ខ្លួនបានជនសង្ស័យទាំង ០៣នាក់ ខាងលើ យកមកសួរនាំរួច ទើបរហូតដល់វេលាម៉ោង០៨:៥០នាទី ថ្ងៃទី៣០ ខែកញ្ញា ឆ្នាំ២០១៧ កម្លាំងមូលដ្ឋានអាវុធហត្ថខណ្ឌទួលគោក សហការជាមួយសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបន្តស្រាវជ្រាវរហូតឈានដល់ការឃាត់ខ្លួនជនសង្ស័យ ០៤នាក់ បន្ថែមទៀត ដែលជាបក្សពួកតែមួយ នៅចំណុចផ្ទះជួលលេខ២៥AE២ ជាន់ទី២ និងផ្ទះលេខ២៣ ជាន់ទី៤ បន្ទប់លេខ៤៣ ផ្លូវ១៥០ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ក្នុងនោះមាន៖
១/ ឈ្មោះ ជូ ចាន់នីតដា ភេទប្រុស អាយុ ៣៥ឆ្នាំ
២/ ឈ្មោះ រិទ្ធ ចាន់ដា ភេទប្រុស អាយុ ២០ឆ្នាំ
៣/ ឈ្មោះ ឈួម កក្កដា ភេទប្រុស អាយុ ២០ឆ្នាំ
៤/ ឈ្មោះ ស៊ីង ពិសិដ្ឋ ភេទប្រុស អាយុ ១៧ឆ្នាំ
បច្ចុប្បន្ន ជនសង្ស័យទាំង ០៧នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿង បញ្ជូនទៅតុលាការ ដើម្បីផ្តន្ទាទោសតាមច្បាប់។
