នៅថ្ងៃទី០២ ខែសីហា ឆ្នាំ២០១៧ វេលាម៉ោង១៥:០០នាទីរសៀល កម្លាំងល្បាតមូលដ្ឋានអាវុធហត្ថខណ្ឌទួលគោក បានធ្វើការបង្ក្រាប និងឃាត់ខ្លួនបានជនសង្ស័យ ០៤នាក់ ពាក់ព័ន្ធករណីគ្រឿងញៀន ក្នុងនោះមាន ០២នាក់ ជាក្មេងមិនទាន់គ្រប់អាយុ(អនិតិជន) រួមនិងដកហូតបានក្រាមពណ៍សថ្លា ៧៤កញ្ចប់(ប្រភេទម៉ាទឹកកក)។ ជនសង្ស័យ ០៤នាក់នោះ ត្រូវបានសមត្ថកិច្ចអាវុធហត្ថ ឃាត់ខ្លួនបាននៅចំណុចតាមបណ្តោយផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ ក្នុងនោះមាន៖
១/ ឈ្មោះ សូយ សុខា ភេទប្រុស អាយុ ១១ឆ្នាំ (អនិតិជន) រួម និងក្រាមសថ្លាបានចំនួន ៣៩កញ្ចប់
២/ ឈ្មោះ មាស ចំរើន ភេទប្រុស អាយុ ១២ឆ្នាំ (អនិតិជន) រូម និងក្រាមសថ្លា ៣៤កញ្ចប់
ត្រូវបានជនអគតិ បានប្រើឲ្យលក់ ជំនួសពួកវា ធ្វើឲ្យបំផ្លាញអនាគតក្មេង បច្ចុប្បន្នសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានប្រគល់ជូនមន្ទីរសង្គមកិច្ច ដើម្បីគ្រប់គ្រង។
រីឯជនសង្ស័យ ០២នាក់ទៀត ដែលជាអ្នកទិញ ដើម្បីប្រើប្រាស់ ត្រូវបានសមត្ថកិច្ចជំនាញការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់ មាន៖
១/ ឈ្មោះ នង កាណាល់ ភេទប្រុស អាយុ ១៧ឆ្នាំ
២/ ឈ្មោះ ផាន វាសនា ភេទប្រុស អាយុ ១៦ឆ្នាំ
ដកហូតបានក្រាមសថ្លា ០១កញ្ចប់(ប្រភេទម៉ាទឹកកក)
