នៅថ្ងៃទី២២ ខែកក្កដា ឆ្នាំ២០១៧ វេលាម៉ោង១៦:០០នាទី កម្លាំងមូលដ្ឋានអាវុធហត្ថខណ្ឌទួលគោក បានបង្ក្រាប និងឃាត់ខ្លួនជនសង្ស័យប្រុសស្រី ០៣នាក់ ពាក់ព័ន្ធករណីគ្រឿងញៀនរួម និងដកហូតបានក្រាមពណ៍សថ្លាចំនួន ២៧កញ្ចប់(ម៉ាទឹកកក)។ ជនសង្ស័យទាំង ០៣នាក់នេះ ត្រូវបានសមត្ថកិច្ចអាវុធហត្ថឃាត់ខ្លួនបាននៅចំណុច លើផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ មាន៖
១/ ឈ្មោះ ចាន់ សុភ័ណ្ឌ ភេទស្រី អាយុ ២០ឆ្នាំ
២/ ឈ្មោះ ថៃ សុខឡាង ភេទស្រី អាយុ ២៦ឆ្នាំ
៣/ ឈ្មោះ ទេព កុសល ភេទប្រុស អាយុ ៣៣ឆ្នាំ
បច្ចុប្បន្ន ជនសង្ស័យទាំង ០៣នាក់ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។
