នៅថ្ងៃទី១៥ ខែកញ្ញា ឆ្នាំ២០១៧ វេលាម៉ោង១៤:៤០នាទី កម្លាំងល្បាតមូលដ្ឋានអាវុធហត្ថខណ្ឌទួលគោក បានបង្រ្កាប និងឃាត់ខ្លួនជនសង្ស័យ ០១នាក់ ឈ្មោះ គឹម ឈុនលី ភេទប្រុស អាយុ ១១ឆ្នាំ (អនិតិជន) ក្មេងមិនទាន់គ្រប់អាយុ ពាក់ព័ន្ធករណីគ្រឿងញៀន រួម និងដកហូតបានក្រាមពណ៍សថ្លា ២១កញ្ចប់(ប្រភេទម៉ាទឹកកក) នៅចំណុចផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។
ក្រោយពេលឃាត់បាន ជនសង្ស័យខាងលើ យកមកសួរនាំ រួចមក ទើបនៅវេលាម៉ោង១៥:១០នាទី ថ្ងៃដដែល កម្លាំងអាវុធហត្ថខណ្ឌទួលគោក សហការជាមួយ សមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានស្រាវជ្រាវ រហូតឈានដល់ការឃាត់ខ្លួនជនសង្ស័យ ០១នាក់ ទៀត ឈ្មោះ ប្រាក់ រិទ្ធី ហៅប៊ូម ភេទប្រុស អាយុ ២០ឆ្នាំ រួម និងដកហូតបានក្រាមពណ៍សថ្លា ៣១កញ្ចប់(ប្រភេទម៉ាទឹកកក) តាមការចង្អុលបង្ហាញ របស់ក្មេងប្រុស ខាងលើ ដែលជាជនសង្ស័យ នៅចំណុចផ្ទះលេខ៧២ ផ្លូវលេខ៦១២ ភូមិ២៣ សង្កាត់បឹងកក់២ ខណ្ឌទួលគោក រាជធានីភ្នំពេញ។
បច្ចុប្បន្ន ជនសង្ស័យទាំង ០១នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់ ចំណែកជនសង្ស័យ ដែលជាក្មេងមិនទាន់គ្រប់អាយុ (អនិតិជន) ត្រូវបាន សមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ ប្រគល់ជូនទៅឲ្យ មន្ទីរសង្គមកិច្ច ដើម្បីគ្រប់គ្រងវិញ។
