នៅថ្ងៃទី២០ ខែតុលា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌមានជ័យ និងខណ្ឌពោធិ៍សែនជ័យ បានបង្ក្រាប និងឃាត់ខ្លួនជនសង្ស័យប្រុសស្រី ០៦នាក់ ពាក់ព័ន្ធករណីគ្រឿងញៀន រួម និងដកហូតបានក្រាមពណ៍សថ្លា ០៦កញ្ចប់(ប្រភេទម៉ាទឹកកក)។ ជនសង្ស័យប្រុសស្រី ដែលត្រូវបានសមត្ថកិច្ចអាវុធហត្ថឃាត់ខ្លួនបានមាន៖
១/ ឈ្មោះ អៀម ចាន់សេរី ភេទប្រុស អាយុ ៣០ឆ្នាំ ត្រូវបានកម្លាំងល្បាតអាវុធហត្ថខណ្ឌពោធិ៍សែនជ័យ ធ្វើការបង្ក្រាប និងឃាត់ខ្លួនបាន កាលពីវេលាម៉ោង១៣:៣០នាទី ខណៈពេលដែលរូបគេ កំពុងសំងំប្រើប្រាស់គ្រឿងញៀន ក្នុងបន្ទប់ទឹករបស់ស្ថានីយ៍ប្រេងឥន្ធនៈសមប្រាថ្នា នៅចំណុចផ្លូវជាតិលេខ៣ ភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យ
២/ ឈ្មោះ កែវ សាន់ដេ ភេទប្រុស អាយុ ២៩ឆ្នាំ
៣/ ឈ្មោះ ម៉ែន សិរីរដ្ឋ ភេទប្រុស អាយុ ១៩ឆ្នាំ
៤/ ឈ្មោះ ភន ម៉េងហ៊ត ភេទប្រុស អាយុ ៣៧ឆ្នាំ
៥/ ឈ្មោះ ខុន ស្រីនាង ភេទស្រី អាយុ ២៧ឆ្នាំ
៦/ ឈ្មោះ សុខ សង្ហារ ភេទប្រុស អាយុ ១៤ឆ្នាំ
ត្រូវបានកម្លាំងល្បាតអាវុធហត្ថខណ្ឌមានជ័យ ធ្វើការបង្ក្រាប និងឃាត់ខ្លួន កាលពីវេលាម៉ោង២០:៤៥នាទីយប់ ចំណុច ក្រុមទី៩ ភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ
ក្រោយពេលឃាត់ខ្លួន ជនសង្ស័យទាំង ០៥នាក់ នេះ យកមកសួរនាំរួចមក រហូតដល់ថ្ងៃទី២១ ខែតុលា ឆ្នាំ២០១៧ វេលាម៉ោង១០:០០នាទី កម្លាំងអាវុធហត្ថមូលដ្ឋានអាវុធហត្ថខណ្ឌមានជ័យ បានបន្តសហការជាមួយសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានស្រាវជ្រាវរហូតឈានដល់ការឃាត់ខ្លួនជនសង្ស័យ ០៣នាក់ ទៀត ដែលជាបក្សពួក រួមមាន៖
១/ ឈ្មោះ ឃឹម វណ្ណទិត្យ ហៅ វែង ភេទប្រុស អាយុ ២៧ឆ្នាំ
២/ ឈ្មោះ សេង ហៀ ភេទប្រុស អាយុ២៣ឆ្នាំ
៣/ ឈ្មោះ ជូ សម្បត្តិ ភេទប្រុស អាយុ ២៦ឆ្នាំ
ត្រូវបានសមត្ថកិច្ចអាវុធ ឃាត់ខ្លួនបាន នៅចំណុច ផ្លូវលំ ភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ
បច្ចុប្បន្ន ជនសង្ស័យប្រុសស្រីទាំង ០៩នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់។
