នៅវេលាម៉ោង០១:០០នាទីយប់ ថ្ងៃទី២៩ ខែសីហា ឆ្នាំ២០១៦ ចំនុចមុខក្លឹបកំសាន្តថប ផ្លូវ២៧១ សង្កាត់ទួលទំពូង២ ខណ្ឌចំកាមន កម្លាំងអាវុធហត្ថខណ្ឌរួមនិងជនរងគ្រោះ បានធ្វើការឃាត់ខ្លួនជនសង្ស័យម្នាក់ពាក់ព័ន្ធ និងករណីឆបោកម៉ូតូ កាលពីវេលាម៉ោង២០:០០នាទី ថ្ងៃទី២៨ ខែសីហា ឆ្នាំ២០១៦ ចំនុចម្តុំឃ្លាំងរំសេវ ខណ្ឌទួលគោក។ ដោយជនសង្ស័យនិងជនរងគ្រោះជាសង្សារនិងគ្នា ប្រហែល៥ខែមកហើយ រហូតដល់ថ្ងៃកើតហេតុជនសង្ស័យបានខ្ចីម៉ូតូជនរងគ្រោះមួយភ្លែត ថាយកទៅទិញបារី តែក៏ទៅបាត់រហូត រហូតដល់យប់ថ្ងៃទី២៩ ខែសីហា ឆ្នាំ២០១៦ ជនរងគ្រោះក៏ឃើញជនសង្ស័យហើយក៏រាយការណ៏មកសមត្ថកិច្ចអាវុធហត្ថអោយជួយឃាត់តែម្តង។
