ភ្នំពេញ ៖ នៅថ្ងៃទី២២ ខែឧសភា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ និងខណ្ឌព្រែកព្នៅ នៃរាជធានីភ្នំពេញ បានឃាត់ខ្លួនជនសង្ស័យ ០៤នាក់ ពាក់ព័ន្ធករណីគ្រឿងញៀន រួម និងដកហូតបានក្រាមពណ៍សថ្លា ០៦កញ្ចប់(ប្រភេទម៉ាទឹកកក)។ ពួកគេទាំង ០៤នាក់ ត្រូវបានកម្លាំងអាវុធហត្ថ ឃាត់ខ្លួនបាន នៅពីរទីតាំងផ្សេងគ្នា ក្នុងនោះមាន៖
១/ ឈ្មោះ ដន ឌុន ភេទប្រុស អាយុ ២២ឆ្នាំ
២/ ឈ្មោះ ម៉ៃ ភត្រា្ត ភេទប្រុស អាយុ ១៤ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ ឃាត់ខ្លួនបាន កាលពីវេលាម៉ោង១៤:៣០នាទី នៅចំនុច ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
១/ ឈ្មោះ ធឹម ពិសី ភេទប្រុស អាយុ ២១ឆ្នាំ
២/ ឈ្មោះអ៊ឹម លីណា ភេទប្រុស អាយុ ២៦ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌព្រែកព្នៅឃាត់ខ្លួនបាន កាលពីវេលាម៉ោង១៧:៣០នាទី នៅចំណុច ផ្លូវបេតុង មុខបុរីកម្ពុ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
បច្ចុប្បន្ន ពួកគេទាំង ០៤នាក់ ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
