ភ្នំពេញ ៖ នៅថ្ងៃទី៣០ ខែមេសា ឆ្នាំ២០១៨ កម្លាំងល្បាតអាវុធហត្ថរាជធានីភ្នំពេញ ក្នុងមូលដ្ឋានអាវុធហត្ថខណ្ឌទួលគោក និងខណ្ឌមានជ័យ បានឃាត់ខ្លួន ជនសង្ស័យប្រុសស្រី ០៣នាក់ ពាក់ព័ន្ធករណីគ្រឿងញៀន រួម និងដកហូតបានក្រាមពណ៍សថ្លា ១៤កញ្ចប់(ប្រភេទម៉ាទឹកកក)។
ពួកគេទាំង ០៣នាក់ នេះមាន៖
១/ ឈ្មោះ ហូ សីហា ភេទប្រុស អាយុ ១៩ឆ្នាំ
២/ ឈ្មោះ វឿន ស៊ីណា ភេទប្រុស អាយុ ១៨ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌទួលគោក ឃាត់ខ្លួនបានកាលពីវេលាម៉ោង២០:២០នាទី នៅចំណុច ប្លុករោងចក្រឆ្នាំង ផ្លូវរថភ្លើង ភូមិ២៣ សង្កាត់បឹងកក់២ ខណ្ឌទួលគោក រាជធានីភ្នំពេញ។
៣/ ឈ្មោះ ឈួន លីន ភេទស្រី អាយុ ៣២ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ ឃាត់ខ្លួនបាន កាលពីវេលាម៉ោង២១:០០នាទី នៅចំណុច ផ្លូវលំ ភូមិមានជ័យ១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។
បច្ចុប្បន្ន ពួកគេទាំង ០៣នាក់ ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
