ភ្នំពេញ ៖ នៅថ្ងៃទី ០២ ខែមិនា ឆ្នាំ២០១៨ វេលាម៉ោង០៩:២០នាទី កម្លាំងល្បាតមូលដ្ឋានអាវុធហត្ថច្បារអំពៅ បានឃាត់ខ្លួនជនសង្ស័យ ០៣នាក់ ពាក់ព័ន្ធករណីគ្រឿងញៀន រួម នឹងដកហូតបានក្រាមពណ៌សថ្លា ០៦កញ្ចប់(ប្រភេទម៉ាទឹកកក)។
ជនសង្ស័យទាំង ០៣នាក់ នេះ មាន៖
១/ ឈ្មោះ គឹម វាសនា ភេទប្រុស អាយុ ២៩ឆ្នាំ , ២/ ឈ្មោះ ប្រាក់ បូរ៉ា ភេទប្រុស អាយុ ៣១
ឆ្នាំ , ៣/ ឈ្មោះ សំ សិលា ភេទប្រុស អាយុ ៣២ឆ្នាំ ត្រូវកម្លាំងអាវុធហត្ថឃាត់ខ្លួនបាន នៅចំណុច ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។
បច្ចុប្បន្ន ជនសង្ស័យទាំង ០៣នាក់ ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ នឹងកសាងសុំណុំរឿង បញ្ជូនទៅតុលាការ ដើម្បីចាត់ការតាមច្បាប់៕
