រាជធានីភ្នំពេញ ៖ នៅថ្ងៃទី០៩ ខែតុលា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌដង្កោ និងខណ្ឌមានជ័យ នៃរាជធានីភ្នំពេញ បង្ក្រាបបានជនសង្ស័យ ០៤នាក់ ពាក់ព័ន្ធករណីគ្រឿងញៀន រួម និងក្រាមពណ៍សថ្លា ០៨កញ្ចប់(ប្រភេទម៉ាទឹកកក)។
ជនសង្ស័យទាំង ០៤នាក់នេះគឺ៖
១/ ឈ្មោះ ច្រឹក ផាន់ណា ភេទប្រុស អាយុ ២៧ឆ្នាំ ,២/ ឈ្មោះ សួស សុខឡេង ភេទប្រុស អាយុ ២០ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌដង្កោ ឃាត់ខ្លួនបាន កាលពីវេលាម៉ោង២២:១០នាទី នៅចំណុច ផ្លូវបេតុងជាប់របងវត្តជាន់ឯក ស្ថិតក្នុងភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ។
៣/ ឈ្មោះ ប៉ិល ឡែន ភេទប្រុស អាយុ ៣៨ឆ្នាំ (ធ្លាប់ជាប់គុក ១០ឆ្នាំ ពីបទមនុស្សឃាត)
៤/ ឈ្មោះ ហឹម សុភាស់ ហៅពៅ ភេទប្រុស អាយុ ២៤ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ ឃាត់ខ្លួនបាន កាលពីវេលាម៉ោង១០:៣០នាទី នៅចំណុច ផ្លូវលំ ក្រុមទី៩ ភូមិព្រែក ទាល់ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
បច្ចុប្បន្ន ពួកគេទាំង ០៤នាក់ ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
