ភ្នំពេញ៖ នៅវេលាម៉ោង០១.៣០នាទី ថ្ងៃទី១៧ ខែមីនា ឆ្នាំ២០១៧ នៅចំនុចផ្លូវ១៣០កែងផ្លូវ១៣ សង្កាត់ផ្សារកណ្តាល២ ខណ្ឌដូនពេញ ស្ត្រីម្នាក់ ឈ្មោះ ពេជ្រ សុផាន់ណា ភេទស្រី អាយុ១៨ឆ្នាំ មុខរបរបុគ្គលិកបារបារាំង និងមិត្តប្រុសដែលជាជនជាតិបរទេស កំពុងធ្វើដំណើរដោយថ្មើរជើងចេញពីបារបារាំង ស្រាប់តែមានជនសង្ស័យ០២នាក់ បានជិះម៉ូតូមកក្បែរ ហើយ ឆក់យកទូរស័ព្ទដៃរបស់ជនរងគ្រោះតែម្តង ភ្លាមនោះជនរងគ្រោះបានស្រែកថាចោរៗ ហើយកម្លាំងល្បាតអាវុធហត្ថខណ្ឌដូនពេញ នៅក្បែរនោះបានលឺ ក៏ចុះអន្តរាគមន៏ ដេញប្រផាប់ចាប់ប្រផីងរហូតដល់ចំនុចសួនច្បារខាងលិចវិមានឯករាជ្យ សង្កាត់ចតុមុខ ទើបឃាត់ខ្លួនជនសង្ស័យទាំង០២នាក់បាន។ ជនសង្ស័យដែលអាវុធហត្ថឃាត់ខ្លួនបានមានឈ្មោះ
១. សុវណ្ណារ៉ា ភេទប្រុស អាយុ១៨ឆ្នាំ មុខរបរ សិស្សថ្នាក់ទី១០វិទ្យាល័យត្រែងត្រយឹង ស្នាក់នៅខេត្តកំពង់ស្ពឺ (ជាអ្នកបើកម៉ូតូ)
២. ម៉ុន ញ៉ា ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅខេត្តកំពង់ស្ពឺ(ជាអ្នកឆក់)
