តើវាសនាចោរវ័យក្មេងទៅជាយ៉ាងណា ពេលដែលបានជួបនឹងអាវុធហត្ថរាជធានីភ្នំពេញ?

ដោយចោរវ័យក្មេងជាអនិតិជន ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ បានធ្វើការទំនាក់ទំនងជាមួយលោក យូ សុភ័ក្រ ប្រធានមណ្ឌលកុមារកំព្រាភ្នំពេញថ្មី និងជាតំណាងមន្ទីរសង្គមកិច្ចរាជធានីភ្នំពេញ ឲ្យទទួលយកកុមារា ម៉ៅ សិត ទៅរស់នៅក្នុងមណ្ឌល ដើម្បីទទួលបានការមើលថែនិងរៀនសូត្រផងដែរ។ រីឯម្តាយកុមារា ម៉ៅ សិត នៅមានកូនតូចៗបីនាក់ផ្សេងទៀតទុកចោល ឯខ្ទមលើបឹង ក្នុងខេត្តព្រៃវែង ដោយផ្ញើនឹងអ្នកជិតខាងជួយមើលថែ ឃើញដូច្នោះជនរងគ្រោះដែលបាត់ប្រាក់និងទូរស័ព្ទក៏សម្រេចចិត្ត មិនដាក់ពាក្យបណ្តឹង។

ដោយសណ្តានចិត្តមនុស្សធម៌ នៅថ្ងៃទី១៧ ខែមិថុនា ឆ្នាំ២០១៧ ឯកឧត្តម ឧត្តមសេនីយ៍ឯក រ័ត្ន ស្រ៊ាង បានចំណាយពេលវេលា ជួបណែនាំ ដល់គ្រួសារ កុមារា ម៉ៅ សិត ដែលមានបងប្អូន០៦នាក់ និងម្តាយពោះម៉ាយម្នាក់ ឪពុកស្លាប់ចោលបាត់កាលពីឆ្នាំ២០១៣ ព្រោះគ្រោះថ្នាក់ចរាចរណ៍ខណៈដើរឆ្លងផ្លូវនៅពេលយប់ មិនដឹងថាត្រូវឡានឬម៉ូតូបុក ស្លាប់លើផ្លូវម្នាក់ឯង។

ក្រោយពេលទទួលបានការណែនាំពី ឯកឧត្តម ឧត្តមសេនីយ៍ឯក រ័ត្ន ស្រ៊ាង ម្តាយរបស់កុមារា ម៉ៅ សិត បានប្តេជ្ញាត្រឡប់ទៅរស់នៅ លើខ្ទមក្នុងខេត្តព្រៃវែងវិញ ដោយចាប់យកមុខរបរ ដើរបេះឈូក ដកព្រលឹតតាមបឹង កាត់ត្រកួនបេះស្លឹកបាស់និងបន្លែផ្សេងៗលក់ ដើម្បីចិញ្ចឹមជីវិត ឈប់លួច ឈប់សុំទាន ហើយប្រគល់កូនតូចបីនាក់អាយុ១០ឆ្នាំ(ម៉ៅ សិត), អាយុ០៩ឆ្នាំ(ប្អូនស្រីម៉ៅ សិត), អាយុ០៨ឆ្នាំ(ប្អូនស្រីម៉ៅ សិត) ឲ្យមណ្ឌលកុមាកំព្រាភ្នំពេញថ្មី ដើម្បីទទួលបានការមើលថែ និងចូលរៀន ទុកតែកូនប្រុសពៅមួយអាយុ០៧ឆ្នាំ នៅជាមួយព្រោះមិនទាន់អាចរស់នៅឆ្ងាយបែកពីម្តាយបាន រីឯកូនប្រុសច្បងបច្ចុប្បន្ន ចេះរស់ដោយខ្លួនឯង ដោយបានទៅធ្វើការលាងឡានឲ្យគេ មួយខែទទួលបាន៧០ដុល្លារ និងកូនស្រីទីពីរនៅស៊ីឈ្នួលគេដាំបាយបោកខោអាវលាងចាន បានមួយខែ៥០ដុល្លារផងដែរ។

ជាចុងក្រោយ ឯកឧត្តម ឧត្តមសេនីយ៍ឯក រ័ត្ន ស្រ៊ាង បានទទួលយកការប្តេជ្ញា របស់ម្តាយកុមារា ម៉ៅ សិត ដោយអនុញ្ញាតិឲ្យធ្វើកិច្ចសន្យា ត្រឡប់ទៅស្រុកវិញ ហើយឯកឧត្តម ព្រមទាំងបានជួយឧបត្ថម្ភ អង្ករ៣ការ៉ុង ទឹកសុទ្ធ២កេស ទឹកក្រូច២យួរ ទឹកត្រីទឹកស៊ីអ៊ីវ២យួរ និងថវិកា៥០ម៉ឺនរៀលផងដែរ ដើម្បីឲ្យម្តាយរបស់កុមារា ម៉ៅ សិត ដោះស្រាយជីវភាពបណ្តោះអាសន្ន ពេលត្រឡប់ទៅផ្ទះវិញ។