ការិយាល័យបទល្មើសគ្រឿងញឿនកងរាជអាវុធហត្ថរាជធានីភ្នំពេញ បានសហការណ៍ជាមួយកម្លាំងអាវុធហត្ថខណ្ឌដូនពេញ ធ្វើការចាប់ខ្លួនមុខសញ្ញាជួញដូរគ្រឿងញៀន បានចំនួន០៨នាក់ និងដកហូតបានគ្រឿងញៀន រួមទាំងវត្ថុតាងមួយចំនួនផងដែរកាលពីថ្ងៃទី០៨ ខែសីហា ឆ្នាំ២០១៦ វេលាម៉ោង១៥និង៣០នាទីល្ងាច នៅចំណុចផ្លូវ១១៨ ភូមិ១៥ សង្កាត់ផ្សារកណ្ដាល១ ខណ្ឌដូនពេញ។ ពួកគេត្រូវបានឃាត់ខ្លួនបានរួមជាមួយវត្ថុតាងមួយចំនួន មានដូចជាថ្នាំម្សៅពណ៌សថ្លា០៨កញ្ចប់(តូច) ដបជក់០៣ ដែកកេះ២៦ កាបូបដៃ០៣ ទូរសព្ទ័ដៃ០៤គ្រឿង និងម៉ូតូចំនួន០២គ្រឿង។ បច្ចុប្បន្នជនសង្ស័យទាំង០៨នាក់ និងវត្ថុតាងត្រូវបានបញ្ជូនទៅការិយាល័យបទល្មើសគ្រឿងញៀនអាវុធហត្ថរាជធានីភ្នំពេញ និងកំពុងកសាងនិតិវិធីបញ្ជូនទៅតុលាការដើម្បីចាត់ការតាមផ្លូវច្បាប់។
