អាវុធហត្ថរាជធានីភ្នំពេញ បញ្ជូនជនសង្ស័យ ០២នាក់ ទៅតុលាការ ករណី លួច ស្រាបៀរក្រុមហ៊ុន!

តាមចម្លើយសារភាពរបស់ជនសង្ស័យទាំង ០២នាក់ ខាងលើ បានប្រាប់សមត្ថកិច្ចអាវុធហត្ថ ឲ្យដឹងថា កាលពីថ្ងៃទី២០ ខែកញ្ញា ឆ្នាំ២០១៧ វេលាម៉ោង០៧:០០នាទី រូបគេទាំង ០២នាក់ បានទទួលបញ្ជាពីក្រុម ST ឲ្យដឹកជញ្ជូនសំបកកេះស្រាបៀរក្រោនចំនួន ១៤បាឡេត (ស្មើនិង២ម៉ឺនសំបកកេះ) ពីក្រុមហ៊ុន អានតា ទៅដាក់នៅរោងចក្រ CBL ក្រុងតាខ្មៅ ពេលទៅដល់ពួកគេ រួមនិងបុគ្គលិករោងចក្រ CBL បានទម្លាក់កាតុងអស់ បន្ទាប់មកមានបុគ្គលិកយាមឃ្លាំង ០១នាក់ នៅរោងចក្រខាងលើ បានឲ្យរូបគេទាំង ០២នាក់ ដឹកស្រាបៀរ អាន់ឆ័រ ចំនួន ០២បាឡេត ចេញពីរោងចក្រ CBL យ៉ាងប្រញាប់ប្រញាល់ និងឲ្យថ្លៃឈ្នួលដឹក ៤០០$(ដុល្លាអាមេរិក) ចែកគ្នាស្មើ ព្រមទាំងបានប្រាប់ថា នៅពេលដឹកចេញចំងាយ ២០០ម៉ែត្រ និងមានគេចំាទទួលហើយ។ លុះពេលពួកគេ ដឹកស្រាបៀរ ចេញពីរោងចក្រ CBL ចំងាយប្រហែល ២០០ម៉ែត្រ ក៏បានជួប និងបុរសម្នាក់ បាននាំផ្លូវពួកគេចូលតាមផ្លូវលំ ចំងាយប្រហែល ៥០ម៉ែត្រ ក៏ឃើញមានរថយន្ត ០១គ្រឿង ទៀតឈប់រងចាំ ដើម្បីដឹកស្រាបៀរ តពីពួកគេទាំង ០២នាក់ ក្រោយពេល ជញ្ជូនស្រាបៀរដាក់លើរថយន្ត ០១គ្រឿងទៀត រួចរាល់ហើយ ពួកគេទាំង ០២នាក់ បានបើករថយន្តត្រលប់មកក្រុមហ៊ុន ST វិញ។