ក្រុមជួញដូរគ្រឿងញៀន ០៦នាក់ រួម និងក្រាមពណ៍សថ្លាចំនួន ៣៩កញ្ចប់(ម៉ាទឹកកក) ត្រូវបានអាវុធហត្ថរាជធានីភ្នំពេញបង្ក្រាបបាន!
កាលពីវេលាម៉ោង១៤:០០នាទីរសៀល ថ្ងៃទី១០ ខែកក្កដា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌព្រែកព្នៅ បានឃាត់ខ្លួនជនសង្ស័យ ០១នាក់ ឈ្មោះ ម៉ើ សាវិន ភេទប្រុស អាយុ ១៩ឆ្នាំ ពាក់ព័ន្ធករណីគ្រឿងញៀន នៅចំណុចផ្លូវទំនប់កប់ស្រូវ ភូមិកប់ស្រូវធំ សង្កាត់គោរកា ខណ្ឌព្រែកព្នៅ រាជធានីភ្នំពេញ។ ក្រោយពេលឃាត់ខ្លួនបាន និងសួរនាំរួច កម្លាំងអាវុធហត្ថខណ្ឌព្រែកព្នៅ បានកំណត់មុខសញ្ញា ស្រាវជា្រវវែកមុខរកបក្សពួកបន្ថែមទៀត រហូតដល់វេលាម៉ោង១៦:១៥នាទីថ្ងៃដដែល ក៏បានធ្វើការឆែកឆេរផ្ទះមួយកន្លែង ស្ថិតនៅភូមិស្វាយចេក សង្កាត់គោរកា ខណ្ឌព្រែកព្នៅ រហូតឈានដល់ការឃាត់ខ្លួនជនសង្ស័យប្រុសស្រី ០៥នាក់ បន្ថែមទៀតដែលជាបក្សពួកតែមួយ។ ជនសង្ស័យប្រុសស្រីទាំង ០៥នាក់នោះមាន៖
១/ ឈ្មោះ ឆន ស៊ីណា ភេទប្រុស អាយុ៣១ឆ្នាំ
២/ ឈ្មោះ ឈៀង ស្រីពៅ ភេទស្រី អាយុ២២ឆ្នាំ
៣/ ឈ្មោះជា ជឺន ភេទប្រុស អាយុ ២៥ឆ្នាំ
៤/ ឈ្មោះ ជា វិទូ ភេទប្រុស អាយុ ២៤ឆ្នាំ
៥/ ឈ្មោះ ឆន សំណាង ភេទ ប្រុស អាយុ ៣៣ឆ្នាំ។
បច្ចុប្បន្ន ជនសង្ស័យប្រុសស្រីទាំង ០៦នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀនអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់។
