នៅវេលាម៉ោង១៨:00នាទី ថ្ងៃទី២០ ខែកក្កដា ឆ្នាំ២០១៧ កម្លាំងមូលដ្ឋានអាវុធហត្ថខណ្ឌដូនពេញ សហការជាមួយសមត្ថកិច្ចជំនាយនៃការិយល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យប្រុសស្រី ០២នាក់ ពាក់ព័ន្ធករណីគ្រឿងញៀន។ ជនសង្ស័យទាំងប្រុសស្រី ០២នាក់នេះ ត្រូវបានកម្លាំងអាវុធហត្ថ ឃាត់ខ្លួនបាន នៅចំនុច លើផ្លូវរថភ្លើង ភូមិ១ សង្កាត់បឹងកក់២ ខណ្ឌទួលគោក រាជធានីភ្នំពេញ ក្នុងនោះមាន៖
១/ ឈ្មោះ ប៊ុត ទិត្យសុភាវី ហៅស្រីណូ ភេទស្រី អាយុ ២៣ឆ្នាំ
២/ ឈ្មោះ ហុក ហុងកុង ភេទប្រុស អាយុ ៣៩ឆ្នាំ រួម និងដកហូតបានក្រាមពណ៍សថ្លាចំនួន ០៥កញ្ចប់ (ប្រភេទម៉ាទឹកកក) ក្រោយពីបង្ក្រាប ជនសង្ស័យប្រុសស្រីទាំង ០២នាក់ ខាងលើយកមកសួរនាំរួចមក លុះដល់វេលាម៉ោង១៩:១០នាទី នៅចំណុចដដែល អាវុធហត្ថខណ្ឌដូនពេញ និងកម្លាំងជំនាញ បង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានស្រាវជ្រាវស្វែងរកបន្ត រហូតឈានដល់ការឃាត់ខ្លួនជនសង្ស័យ ០១នាក់ទៀត ដែលជាក្មេងប្រុសអនិតិជន(ក្មេងអាយុក្រោម ១៤ឆ្នាំ) ឈ្មោះ ឃុន សំណាង ភេទប្រុស អាយុ១១ឆ្នាំ រួម និងដកហូតបានក្រាមពណ៍សថ្លាចំនួន ៥៣កញ្ចប់(ប្រភេទម៉ាទឹកកក) ដែលជនសង្ស័យប្រុសស្រីទាំង ០២នាក់ ខាងលើ ប្រើឲ្យជួញដូរ និងចែកចាយគ្រឿងញៀន ឲ្យរូបគេ។ ចំណែកក្មេងប្រុស ឈ្មោះ ឃុន សំណាង ជាអនិតិជន(ក្មេងអាយុក្រោម ១៤ឆ្នាំ) ត្រូវបានសមត្ថកិច្ចអាវុធហត្ថរាជធានីភ្នំពេញ ប្រគល់ជូនទៅឲ្យមន្ទីរសង្គមកិច្ច ដើម្បីគ្រប់គ្រងវិញ។បច្ចុប្បន្ន ជនសង្ស័យប្រុសស្រីទាំង ០២នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់។
