កាលពីវេលាម៉ោង១៤:២០នាទី ថ្ងៃទី២៤ ខែកញ្ញា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ នៃរាជធានីភ្នំពេញ បានបង្ក្រាប និងឃាត់ខ្លួនជនសង្ស័យ ០២នាក់ ពាក់ព័ន្ធករណីគ្រឿងញៀន។ ជនសង្ស័យទាំង ០២នាក់ នោះមាន៖
១/ឈ្មោះ យ៉េន សេងហ័រ ភេទប្រុស អាយុ ២២ឆ្នាំ
២/ឈ្មោះ ជុន សារឿន ភេទប្រុស អាយុ ៣៨ឆ្នាំ
ត្រូវបានសមត្ថកិច្ចអាវុធហត្ថឃាត់ខ្លួនបាន នៅចំណុចផ្លូវលីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
បច្ចុប្បន្ន ជនសង្ស័យទាំង ០២នាក់ នោះ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។
