នៅថ្ងៃទី២៦ ខែកក្ដដា ឆ្នាំ២០១៧ វេលាម៉ោង១២:៥០នាទី កម្លាំងមូលដ្ឋានអាវុធហត្ថខណ្ឌទួលគោក សហការជាមួយសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យប្រុសស្រី ០៦នាក់ ពាក់ព័ន្ធករណីគ្រឿងញៀន រួម និងដកហូតបានក្រាមពណ៍សថ្លា ១៥កញ្ចប់(ប្រភេទម៉ាទឹកកក) ១៤កញ្ចប់តូច និងធំល្មម ១កញ្ចប់ ចំណុចតាមបណ្តោយផ្លូវរថភ្លើង និងមុខផ្ទះជួលលក់ចាប់ហួយ សង្កាត់បឹងកក់១ ខណ្ឌទួលគោក រាជធានីភ្នំពេញ។
ជនសង្ស័យទាំង ០៦នាក់នោះមាន៖
១/ ឈ្មោះ លី ថុនា ភេទប្រុស អាយុ ១៥ឆ្នាំ
២/ ឈ្មោះ ជា ហេង ភេទប្រុស អាយុ ៣៤ឆ្នាំ
៣/ ឈ្មោះ ឈួន ស្រីនី ភេទស្រី អាយុ ២០ឆ្នាំ
៤/ ឈ្មោះ ហុន សុវណ្ណា ភេទប្រុស អាយុ ២១ឆ្នាំ
៥/ ឈ្មោះ នុត មុំ ភេទស្រី អាយុ ៦៥ឆ្នាំ
៦/ ឈ្មោះ សុខ ជា ភេទប្រុស(ប្រុសតែងខ្លួនជាស្រី) អាយុ ៥០ឆ្នាំ
បច្ចុប្បន្ន ជនសង្ស័យប្រុសស្រីទាំង ០៦នាក់ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។
