នៅវេលាម៉ោង២៣:៣០នាទីយប់ ថ្ងៃទី១៤ ខែសីហា ឆ្នាំ២០១៧ កម្លាំងល្បាតមូលដ្ឋានអាវុធហត្ថខណ្ឌដូនពេញ បានបង្ក្រាប និងឃាត់ខ្លួនជនសង្ស័យ ០១នាក់ ពាក់ព័ន្ធករណីគ្រឿងញៀន រូម និងដកហូតបានក្រាមពណ៍សថ្លា ០៤កញ្ចប់(ប្រភេទម៉ាទឹកកក) ក្នុងនោះ មានកញ្ចប់ធំ ០១កញ្ចប់ , កញ្ចប់ធំល្មម ០១កញ្ចប់ និងកញ្ចប់តូច ០២កញ្ចប់។
ជនសង្ស័យ មានឈ្មោះ រិន ច័ន្ទដារ៉ា ភេទប្រុស អាយុ ៣៤ឆ្នាំ ត្រូវបានសមត្ថកិច្ចអាវុធហត្ថ ឃាត់ខ្លួនបាននៅចំណុច ផ្លូវលេខ១៣៦ កែងនរោត្តម សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
បច្ចុប្បន្ន ជនសង្ស័យ ខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។
