នៅថ្ងៃទី២៧ ខែមិថុនា ឆ្នាំ២០១៧ អាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យ ០៥នាក់ ពាក់ព័ន្ធ និងករណីគ្រឿងញៀន រួម និងដកហូតបានថ្នាំញៀនចំនួន ៣៤កញ្ចប់(ប្រភេទម៉ាទឹកកក)។ ជនសង្ស័យទាំង ០៥នាក់នោះ ត្រូវបានអាវុធហត្ថរាជធានីភ្នបំពេញ ធ្វើការបង្ក្រាប និងឃាត់ខ្លួនបានជាបន្តបន្ទាប់ គ្នាក្នុងថ្ងៃតែមួយ ក្នុងនោះមាន៖
១.ឈ្មោះ ខាន់ រក្សា ភេទប្រុស អាយុ ២០ឆ្នាំ , ២.ឈ្មោះ អឿន សំអុល ភេទប្រុស អាយុ ៣០ឆ្នាំ , ៣.ឈ្មោះ ផាន់ មករា ភេទប្រុស អាយុ ១៩ឆ្នាំ ត្រូវបានកម្លាំងល្បាតអាវុធហត្ថខណ្ឌដង្កោ ធ្វើការបង្ក្រាប និងឃាត់ខ្លូនដកហូតបានថ្នាំញៀនចំនួន ០៥កញ្ចប់។ កាលពីវេលាម៉ោង១០:២៥នាទី នៅចំនុចផ្លូវបេតុង ស្ថិតក្នុង ភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ។
៤.ឈ្មោះ ចាន់ ស្រីមាស ភេទស្រី អាយុ ១៦ឆ្នាំ ៥. ឈ្មោះ រឿន សុខហេង ភេទប្រុស អាយុ ៣៦ឆ្នាំ ត្រូវបានអាវុធហត្ថខណ្ឌទួលគោក ធ្វើការបង្ក្រាប និងឃាត់ខ្លួនដកហូតបានថ្នាំញៀនចំនួន ២៩កញ្ចប់។ កាលពីវេលាម៉ោង១៤:២០នាទី នៅចំណុច តាមបណ្ដោយផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។ បច្ចុប្បន្ន ជនសង្ស័យទាំង ០៥នាក់នោះ កំពុងត្រូវបានកម្លាំងជំនាញនៃការិយាល័យបង្រ្កាបបទល្មើសគ្រឿងញៀនអាវុធហត្ថរាជធានីភ្នំពេញស៊ើបសួរបន្តដើម្បីកសាងសុំណុំបញ្ចូនទៅតុលាការ។
