រាជធានីភ្នំពេញ ៖ នៅវេលាម៉ោង១៣:០០នាទី ថ្ងៃទី១៨ ខែកញ្ញា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ ឃាត់ខ្លួនបានជនសង្ស័យ ០៣នាក់ ពាក់ព័ន្ធករណីគ្រឿងញៀន។
ពួកគេទាំង ០៣នាក់នេះមាន៖
១/ ឈ្មោះ អោ ស៊ីណា ភេទប្រុស អាយុ ១៩ឆ្នាំ , ២/ ឈ្មោះ ស៊ុំ ចាន់ធី ភេទប្រុស អាយុ ២៣ឆ្នាំ , ៣/ ឈ្មោះ ទេព សុវណ្ណ ភេទប្រុស អាយុ ២៣ឆ្នាំ ត្រូវបានកម្លាំងអាវុធហត្ថឃាត់ខ្លួនបាន នៅចំណុច ផ្លូវលលីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
បច្ចុប្បន្ន ពួកគេទាំង ០៣នាក់ ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
